အောက်ခြေ ဖောင်တေးရှင်း ပညာရေး
**************************************
ပညာရေးကို အားပေးပါ ။ စာတတ်အောင်သင်ပေးပါ။
အတန်းကျောင်းပညာ ရှစ်တန်းလောက်ဖြင့် ယာထဲ တောထဲ တစ်ရက် ၁၅၀၀ ရတယ်။ သူများတွေက ဝင်ငွေရှိတယ် နင်ဖြင့် ဖျဉ်းတာ အလုပ်ကို မလုပ်ချင်ဘူး ။ ဆန်ကုန် မြေလေ သေသွားတာမှ အေးသေးတယ်။
အဲလို ဂရုဏာဒေါဒေါ အသံများဖြင့် မကြားချင်မှ အဆုံး ပတ်ဝန်းကျင်မှာ ကြားနေရပါတယ်။
နေ့စဉ်ရက်ဆက် ဝင်ငွေ ရှားပါးခြင်း ကုန်ဈေးနှုန်းကြီးခြင်း၊ သာရေး နာရေး အစသဖြင့် ကုန်ငွေများသည် ဝင်ငွေထက် နည်းပါးခြင်းကြောင့် အားမလို အားမရဖြစ်နေသော မိဘများ၏ စိတ်ထွက်ပေါက် ညည်းညူ သံများကို ကြားနေရပါတယ်။
လက်တလော ၁၅၀၀ ၊ ၂၀၀၀ လောက် ဝင်ငွေ ရှိခြင်းကို အားကျခြင်းသည် နောက်တစ်ချိန် ဆယ်တန်းအောင်ပြီး မှ အဆက်အသွယ်ဖြင့် အရောင်းဝန်ထမ်းသော်လည်းကောင်း company မှာ ဖြစ်ဖြစ်သော်လည်းကောင်း သွားရောက်လုပ်ကိုင်မည်ဆိုရင် တစ်လ ၁သိန်း ဝန်းကျင် ၂ သိန်း လောက်တော့ ရမည် ထင်ပါသည်။
တစ်စုံတစ်ခု ကို လိုချင်လျှင် တစ်စုံ တစ်ခု ကို စွန့်လွှတ်ရမည်။ သာဝတ္ထိကျေးရွာအတွင်းမှ
ပညာတတ်လိုသောလည်း ငွေကြေး မတတ်နိုင်သော ကျောင်းသား ကျောင်းသူများ လူငယ့်အားမာန်စာကြည့်တိုက် မှ လုပ်အားပေးလာပါ။ စာကြည့်တိုက် လုပ်ငန်းစဉ်များကို ပါဝင်ကူညီဆောင်ရွက်ပါ။ နေ့စဉ် လုပ်အားခဖြင့် လည်းကောင်း လစဉ် ငွေကြေး ဖြင့် လည်းကောင်း အနည်းဆုံး (၁) ယောက် (၂) ယောက် ခန့်နိုင်ပါသည်။
ပိုက်ဆံ မတတ်နိုင်လို့ ကျောင်းမတတ်ရပါဘူး ဆိုသူများ တကယ်တက်ချင်ရင် တကယ် စိတ်ဆန္ဒ ပြင်းပြခဲ့လျှင် လူငယ့်အားမာန်စာကြည့်တိုက်မှ ကူညီ ဆောင်ရွက်ဖို့အဆင့်သင့်ပါ။
အောက်ပါ စာကြည့်ရှုနေသော ကလေးငယ်များသည် သူငယ်တန်းမတက်ရသေးသော ကေးလငယ်များဖြစ်ပါသည်။ စာမဖတ်တတ်သော်လည်း အရုပ်ကြည့်ခြင့်ဖြင့် ငယ်စဉ်ကတည်းက စာပေဖြင့် ရင်းနှီးကျွမ်းဝင်စေခြင်းဖြစ်ပါသည်။
လေးစားစွာဖြင့်
သတင်းနှင့်ပြန်ကြားရေးတာဝန်ခံ
လူငယ့်အားမာန်စာကြည့်တိုက်
Comments
Post a Comment