စကားလုံးတွေ နဲ့ မြှင့်တဲ့ပညာရေး
အဆင့်မြင့်ပညာရေး စီမံကိန်း
ကျောင်းတက်နှစ်တွေ ထပ်တိုးလာ
နှစ်တိုးလို့တတ်လာမယ်ထင်သလား
တိုးလိုက်ဒီထက်တိုးလိုက်
အဲလိုဆိုဆယ်နှစ်လည်းတက်မယ်
အစမ်းသပ်ခံတော့မလုပ်နဲ့
ခင်ဗျားတို့မှားတော့ ဆောရီး
ကျုပ်တို့ဘဝတွေမှာတော့ခါးသီးလို့
ခေါင်းစဉ်တွေ့ပဲပြောင်းသွားတယ်
အကြောင်းအရာတွေကတော့အရင်အတိုင်းပဲ
သွားကြည့်လိုက် lab ခန်းတွေ
သော့တန်းလန်းနဲ့ အခုထိအချုပ်ကျနေတုန်း
ကွန်ပျူတာဆို ဟီရိုရှီးမားထက်ဆိုးသေး
ပေါက်ကွဲပစ္စည်းအတိုင်း မတို့ရမထိရ
နှစ်တွေဘယ်လောက်ညောင်းခဲ့ပြီထင်လဲ
သင်ရိုးညွန်းတမ်း တွေအတွက်
စာအုပ်ဖိုးတွေ သွင်းလိုက်ရတာ
နှစ်ကုန်လို့တောင်မဲနှိုက်လို့မဆုံးဘူး
အဲလိုအဆင်မပြေမှုတွေ နှစ်ဘယ်လောက်
စံတေးခံကျောင်းသားတွေ ဖြတ်သန်းခဲ့ပြီလဲ
နှစ်ဦးစကတည်းက အားကစားကြေးသွင်းခဲ့သေး
ကျုပ်တို့ကစားတော့ကိုယ့်ငွေနဲ့ကိုယ်
မသိလို့ပါ ကျုပ်တို့မကစားတဲ့နှစ်တွေ
ဘယ်သူတွေကဝါးကြစားကြသလဲ
နှစ်တွေနှစ်တွေမနည်းမနောပါ
အကြောင်းအရာတစ်ခုအတွက်ဆို
ဘယ်တော့မှကြိုတင်အကြောင်းမကြားဘူး
မှောက်လိုကမှောက်လှန်လိုကလှန်
ဒင်းတို့အကြံဒါအကုန်ပဲလား
ပို့ပစ်လိုက်တာကျောင်းတွေကျောင်းတွေ
မြို့စွန်မြို့ဝေးကိုယ့်ထူမ ှထရမယ့်ဘဝတွေ
ကျောင်းစာကြည့်တိုက်တွေမရှိဘူး
ကျောင်းသားတွေယာဉ်ထားဖို့မရှိဘူး
အားကစားအတွက် ဘာမှမရှိဘူး
စိတ်ဝင်စားစရာ လက်တွေ့မရှိဘူး
ဒါတွေ………..ဒါတွေက အဆင့်မြင့်တွေလား
ကျွန်တော့်အထင်ကတော့
စကားလုံးတွေ အမြင့်ကြီးနဲ့စီထားတဲ့ပညာရေးဟာ
အဆင့်မြင့်ပညာရေးလို့ ဆိုသလားဗျာ…………..
ပိုးပေါက်
နည်းပညာတက္ကသိုလ်(မုံရွာ)
Comments
Post a Comment