“ကျွေးချင်လှတယ်”
ဦးကြီး(သာဝတ္ထိ)ရှေးဟောင်းကဗျာများ
“ကျွေးချင်လှတယ်”
ခါတလှဲ့ လာခဲ့ပကျုပ်တို့ဆီ၊
ရာသီရောက်ကပေါ့
ဖားကင်ခြောက်ကျပ်တင်ဟာကို ငရုတ်ဝါစပ်တူထောင်းပါလို့၊
ဧည့်ကောင်းမို့တမင်ဆော် ။
တို့ကြီးတော်နွေကလှန်းပါတဲ့ ခရမ်းခြောက်ကျိုပုန်းရည်၊
တူနှစ်မည်ဆင်တဲ့ဟင်း။
ထမင်းပုသိမ်ဆန်နှင့် ကိုရင်ကိုကျွေးချင်လှတယ်။
ပဲနောက်နှင့်ပြောင်းဆန် ကောက်သားငယ်ရံ၊
ဝေဖန်နှောယှက် ရောကာချက်လို့၊
ပြောဘက်ကယ်မမြင်။
သြဇာပြွမ်းတဲ့ သုံးလွန်းတင်ကို
ခင်မင်ဖွယ်ရာ သည်ချိန်ကိုလာခဲ့ပ၊
တောရွာသူ့ခံ့ပုံကို
အသားကုန်လက်ပြိုင်ဆွဲလို့၊ နွှဲစေ့မယ်လေး။
Comments
Post a Comment